منهجية الأسعار ومصادر البيانات

قدامك بتعمل إيه بالظبط

قدامك منصة مستقلة بترصد وتجمع الأسعار من السوق وتعرضها في مكان واحد. إحنا مش جهة تسعير، ومش بنك ولا بورصة ولا وسيط مالي، ومش بنبيع ولا بنشتري ذهب أو عملات.

الأسعار المعروضة للاسترشاد فقط. قبل أي عملية بيع أو شراء، اتأكد من السعر النهائي مع الجهة اللي هتتعامل معاها.

مصادر الأسعار

بنجمع الأسعار من البنوك وشركات الذهب والسبائك وتجار معتمدين، وبنحدّثها على مدار اليوم. جنب الأسعار بنعرض وقت آخر تحديث، وده بيتاخد من بيانات السعر نفسه مش من وقت فتح الصفحة.

معنى سعر البيع وسعر الشراء

في قدامك بنكتب الأسعار من وجهة نظرك كعميل، عشان ماتتلخبطش:

السعر المحلي والدولار المستخدم في التسعير

بنعرض أونصة الذهب عالميًا بالدولار كمرجع للمقارنة. الأونصة = 31.1035 جرام.

"الدولار المستخدم في التسعير" مؤشر بنحسبه بقسمة سعر أونصة الذهب المحلية (سعر جرام عيار 24 × 31.1035) على سعر الأونصة العالمي. يعني بيوضح الدولار اللي السوق المحلي بيسعّر بيه الذهب فعليًا، وهو مش سعر الدولار في البنك.

أسعار العملات الرقمية بنعرضها بالدولار وبالجنيه، والتحويل بيتم بسعر الدولار المسجل عندنا من البنوك.

تكرار التحديث

الصفحات بتعيد تحميل الأسعار من خوادمنا كل دقيقة تقريبًا. لكن السعر نفسه بيتغير لما مصدره يغيره، وعشان كده بنكتب وقت آخر تحديث لكل سعر، وفي مقارنة البنوك والشركات بنستخدم نقطة ملونة: أخضر لأقل من نص ساعة، وأصفر لحد 3 ساعات، وأحمر لأكتر من كده.

التقريب والحسابات

أسعار الذهب بتتعرض لأقرب جنيه.

الحاسبات بتحسب: سعر الجرام × الوزن + المصنعية + ضريبة القيمة المضافة 14% على المصنعية. قيم المصنعية الافتراضية تقديرية للاسترشاد فقط وليست من مصدر رسمي، فحط المصنعية الفعلية اللي المحل قالها لك.

حاسبة الزكاة بتقيّم الذهب بسعر "تبيع بـ"، وتفاصيلها في صفحة الحاسبة.

حدود الدقة والتصحيح

ممكن يحصل تأخير في تحديث بعض الأسعار أو اختلاف بينها وبين السعر الفعلي عند التنفيذ. لا نضمن دقة أو اكتمال الأسعار في كل الأوقات.

لو لقيت سعر مش مظبوط، ابعتلنا من صفحة اتصل بنا واختار "سعر مش مظبوط"، واكتب اسم البنك أو الشركة والسعر اللي لقيته.